Tuir Daniel, tempu ida agora povu hakarak dezenvolvimentu, maibé programa ministeriál la'o la tuir prepestiva ema barak nian 'kudik hela'.

"Governu hakarak fokus liu ba seitór produtivu sira iha OJE 2021, Maibé agora nia montante alokasaun ba kada ministeriu sira ne'e kiik ka boot, ida ne'e tenke haree, se montante boot aloka ba investimentu boot sira, ida ne'e hanoin bele kontinua, maibe alokasuan ba buat sira gasta de'it hanoin ida ne'e problema, tanba planu ministériu sira nian la tuir perpetiva ema barak nian," dehan Diretór Ezekutivu Fongtil Daniel Santos do Carmo iha edifísiu Kruz Vermella Timor-Leste (KVTL) Bairu Formoza, Kuarta (14/10).

Daniel mós komenta, governu aloka orsamentu boot ba buat ne'ebé gasta de'it, ne'e halo ita preokupa, maibé ita mós labele obriga governu atu ezekuta lalais orsmaentu.

"Se ezekusaun mak la la'o, ita labele obriga governu atu ezukuta hotu lalais osan, tanba ezukuta lalais orsamentu maka sei difikulta, tanba laiha retornu," katak Daniel.

Nia mós espera orsamentu ne'ebé governu sei aprezenta ne'e, orsamentu ida ne'ebé ninia alokasaun pursentu boot ba setór produtivu sira, bazeia ba rekomendasaun ne'ebé mai husi ekipa elaborasaun ba programa rekuperasaun ekonomia.(*)