Deputadu ne'e haktuir, maski iha loron kuarta (10/2), Prezidente Parlamentu Nasionál (PPN), Deputadu Aniceto Longuinhos Guteres, mos haruka ona karta resposta ba Tribunal Rekursu (TR) kona-ba fiskalizasun Abstrata legalidade OJE maibé enfelismente CNRT to'o agora seidauk simu resposta.
"Enfelismente ami seidauk iha resposta husi Tribunál Rekursu," dehan nia iha Parlamentu Nasionál, sesta (19/2).
Maski seidauk iha resposta, maibé pozisaun CNRT sei hein nafatin to'o bainhira Tribunál Rekursu pronúnsia ona resposta ba bankada CNRT iha Parlamentu Nasionál.
"Ha'u hanoin depois de dezisaun, tanba ami mak autór ba husu fiskalizasaun ba tribunál, konserteza desizaun ne'e tenke fó hatene fali mai,"katak nia.
Entretantu ba pedidu fisklaizasaun abstrata OJE ne'e bankada CNRT hato'o ba Tribunál Rekursu iha loron 6 janeiru 2021 no iha loron 12 janeiru 2021, Tribunal Rekursu haruka hikas notifikasaun ba Parlamentu Nasionál durante loron 30.
Maibe durante prosesu ne'e, ia loron 10 fevereiru Parlamentu Nasionál mós kumpre ninia kompeténsia hodi haruka karta resposta ba notifikasaun husi Tribunal Rekursu.(*)