“Kona-bá ró, ha’u hanoin tenke haree duni, se ró (Tranship II), ne'e ba mak problema bebeik hanesan ne'e tenke buka dalan, labele halo ema sai mate tiha mak problema”, deklara nia iha plenária Parlamentu Nasionál (PN), segunda (28/06).

Maske bankada Fretilin sei nafatin viabiliza governu, maibé viabiliza buat ne'ebé atu proteje povu, tanba ne’e buka solusaun ba problema ne’ebé mosu hodi proteje ema nia vida.

Tanba ne'e, Ministériu Transporte Komunikasaun, tenke hatete sai no responsabiliza ida ne'e, bainhira lalos tenke dehan laloos.

“Buat ne'e ameasa ema nia vida, labele mai dehan ne'e di'ak, la di'ak ne'e dehan la di'ak, Fretilin viabiliza mais la'ós viabiliza buat lalos.Liliu Ministru ida ne'ebé nia responsabiliza ba área ida ne'e tenke dehan lalos ne'e lalos, satán ema atu mate ne'e ulun-fatuk moras”, dehan nia.

Iha fatin hanesan Deputadu bankada CNRT, Ricardo Batista hatete, ró tranship II ne'e, nia parte ejize hela de'it maibé governu lakoi atu koopera no defende dehan buat hotu di’ak.

Maibé husu nafatin atu haree kestaun ró Tranship II Gresik nune'e labele fó ameasa ba ema nia vida. (*)