“E kestaun ne'ebé mak Señór Primeiru Ministru ohin fó hanoin ba Ministru Negósiu Estranjeiru mós pontu balun ne'ebé halo diskusaun iha Simeiru liliu kona-ba mobilidade entre membru sidadaun país CPLP nian, ida ne'e mak Señór Primeiru Ministru dehan ida presisu halo diskusaun ida klean depois haree loloos oinsá mak ita bele adopta polítika enkuadramentu iha CPLP nian”, dehan Vise Primeiru Ministru no Ministru ba Planu & Ordenamentu, José Maria dos Reis iha Palásiu Governu, tersa (10/08).

Tanba ne’e, presiza iha prinsipálmente iha mobilidade rezolusaun tenke retifika iha Parlamentu Nasionál mak foin bele asina akordu entre nasaun ida ho nasaun seluk.

“Ha'u dehan kestaun lubuk ida mak ita diskute prinsipálmente ba mobilidade rezolusaun ida ne'ebé mak aprova iha ne'ebá tanba ida ne'e mak ita tenke diskute ezemplu Cabo Verde nian avansa ona ho retifika Parlamentu Nasionál, katak atu implementa polítika ida ne'e primeiru tenke retifika uluk iha Parlamentu Nasionál foin hala'o e bainhira ratifika ona iha Parlamentu Nasionál siknifika akordu bilaterál entre paíz ida ho paíz ida atu diskute oinsá mak atu diskute” esplika nia.

 Ho akordu mobilidade ne'e Governu Timor-Leste espera sei fó impaktu pozitivu nasaun, tanba ida ne'e mak governu sei foti kestaun ida hodi diskute klean liután oinsá atu implementa iha futuru. (*)