Tempotimor (Díli) – Eis Primeiru Ministru, Mari Alkatiri hatete, tanba nia la ukun veteranus sira agora moris iha indignu nia laran.
“Ha'u atu ukun, ema la husik ha'u ukun. Husu ba sira ne'ebé ukun ho tinan naruk ne'e, saida mak akontese?” piadas Mari Alkatiri bainhira partisipa komemorasaun loron FALINTIL ba dala 44, Tersa (20/08/19) iha Kuartél Jenerál F-FDTL, Fatuhada, Díli.
Alkatiri la fó komentariu, bainhira jornalista husu kona-ba nia kontribuisaun nu'udar lider nasionál, atu garante veteranus nia moris di'ak. Alkatiri promete, nia sei nonok de'it to'o komemorasaun tinan 20 Konsulta Populár.
Timor-Leste restaura ona ninia independensia ba dala 17. FALINTIL mós komemora nia aniversariu ba dala 44 iha 20 Agusto 2019. No loron 30 Agusto 2019, Timor-Leste sei komemora tinan 20 Konsulta Populár ka referendu.