"Iha debate mak ita muda situasaun, iha facebook balun kritika hanoin ita uza portugues hotu, lae, perguntas lima karik portugues ida de'it fó ba ita nia kandidatu sira resposta tuir kapasidade, tanba ita nia artigu 75 konstituisaun dehan, tenke iha kapasidade natoon bele lori ita nia rai," dehan Prezidente CNE, José da Costa Belo iha Salaun apuramentu Baukau, kuarta (23/02).
Planu CNE laiha intensaun ba buat seluk atu teste kandidatu sira, maibé atu promove de'it nesesidade lian Portugues no tetun hanesan lian ofisiál Timor nian.
"Resposta tuir kapasidade se ida ne'ebé mak iha portugues oituan bele ko'alia tuir oituan, laiha valór mós iha ne'eba, sé mak deside, orsida povu no ita nia eleitór sira mak deside," nia afirma
Nune’e, kestaun lingua labele sai polemika ba públiku, CNE laiha intensaun atu hatun no hasa'e kandidatu sira, maibé tau tuir kapasidade ne'ebé kandidatu sira iha, tanba portugues uluk no agora, lahanesan, portugues agora sai ona lian ofisiál Timor-Leste nian iha nasoins unidus.
"Ita nia naran uza portugues hotu, tanba sá ita ko'alia portugues ita tauk,” nia argumenta
Maibé, enkoraja kandidatu sira, iha difikuldade bele ko'alia ba malu, nune'e bele iha solusaun, tanba atake malu de'it iha facebook (média sosiál) sei laiha solusaun. (*)