Xefe Suku Makalaku, Julio Marques Belo, husi Postu Administrativu Kelikai, Munisípiu Baukau, informa ahi-han nia komunidade nia uma kalan boot, maibé la rezulta ema lakon vida.

"Sim ahi-han Silvestre Martins nia uma, kalan boot liu tuku 12, ne'ebé deskonfia sirkuitu eletriku, to'o uma na'in de'it mós la hatene”,  Xefe Suku Júlio ba www.tempotimor.com liuhusi telefone, segunda (06/12).

Inséndiu ne'e akontese iha loron Sábadu (04/12) la rezulta ema mate maibé la konsege salva sasán sira iha uma laran.

Durante ne'e laiha ema rai odio ba malu maibé akontese derepente de'it iha uma laran.

"Sira mai konfirma katak laiha deskonfia malu, maibé ne'e dezastre ahi mak han de'it”, haktuir nia.

Autoridade lokál ne'e hatutan, dadaun ne'e vítima inséndiu simu materiál ka sasán Emerjénsia sira husi Ministériu Solidariedade Sosiál iha Munisípiu Baukau.

"Ohin (segunda (06/12) nia bá tiha ona Emerjénsia iha Munisípiu Baukau, na'in rasik mak tun kedas ba sosiál”, esplika nia. (*)