Tanba ne'e liu husi servisu hamutuk entre Pro-Reitoria Kooperasaun ho Sentru Formasaun Avansada halo sensibilizasaun hodi promove ambiente saudavel iha Timor laran tomak.
"Estudante akadémiku sira presiza mós tau atensaun ba lixu ne'ebé iha sidade laran", dehan Dulce de Jesus Martins, dosente Departamentu Komunikasaun Sosial, ne'ebe sai orador iha seminariu ne'ebe halao iha Kampus Sentral UNTL, Tersa (19/2).
Iha fatin hanesan, Vise Dekanu Asuntu Estudantil, Fakuldde Siensia Sosial, Bernardo Idalina Leto hateten, lixu sai hanesan problema sosiál tanba kontribuisaun volume lixu barak husi ema-nia hahalok, ne'ebé to'o agora seida'uk maduru iha konxiensia.
"Redusaun lixu iha ita-nia rai maka ema hotu presiza iha konxiensia. Atu redúz lixu buat importante maka hanesan resiklazen no seluk tan ne'ebé bele tulun ita hodi utiliza fali lixu sira ne'e", tenik nia.
Entretantu, estudante Departamentu Komunikasun Sosiál, Zezinho Sanches, sente kontente tanba bele hetan informasaun sira ne'ebé ko'alia kona-ba oinsa atu promove ambiente moos.