UNTL Apoiu Karteira 56 Ba EBC 3 Tunubibi

UNTL Apoiu Karteira 56 Ba EBC 3 Tunubibi ^Featured

By Tempo Timor August 16, 2019 1143

font size decrease font size increase font size
Print
Email

Diretor EBC, Domingos da Silva dada lia hela ho Jornalista sira iha ninia kna'ar fatin, iha EBC Tunubibi (16/08) Foto Tempo Timor

Tempotimor (Tunubibi) – Universidade Nasionál Timor-Lorosa'e (UNTL), Sesta (16/08/19) fó apoiu karteira limanolu resin neen (56) ba Eskola Bázika Sentrál numeru 3 Tunubibi, Munisípiu Bobonaro.

Diretór EBS Nu. 3 Tunubibi, Domingos da Silva iha seremonia entrega karteira ne'e hato'o ninia agradesementu ba Universidade Nasionál Timor Lorosa’e (UNTL) tanba hatán ona proposta ne'ebé eskola refere ne'e haruka.

"Ha'u agradese ba UNTL, tanba hatán ona ami nian proposta ne'ebé ami hato'o ba UNTL iha fulan rua ka tolu kotuk liubá. Iha proposta ne'e, ami husu karteira ualunolu (80). Maibé, UNTL foin apoiu limanolu. Hein katak, tempu seluk sei halo kompleta," dehan Diretór Domingos, Sesta (16/08/19).

Entretantu Diretór Nasionál Patrimoniu no Bens UNTL, Alexandrino de Araujo dehan, UNTL fó apoiu ba EBS Tunubibi ne'e, tanba eskola ne'e mós difikulta karteira hodi estudante sira utiliza.

"UNTL fó apoiu, tanba komunidade sira fó rai hektare 25 ba UNTL. Ne'ebé entrega iha 14 Setembru 2014. Inklui eskola refere mós difikulta duni ba karteira. Entaun sira hato'o proposta no UNTL apoiu karteira hamutuk 56. Falta 24, para halo kompleta tuir proposta husi eskola refere," dehan Alexandrino.

Eskola Bázika Sentrál númeru 3 Tunubibi, kompostu husi estudante 432.Mane hamutuk 191 no feto hamutuk 241. Inklui sala de aula 12 kompostu husi sala diretór no apoiu gabinete ida, sala proferoes ida, sala enkontu no sala de aula sanulu. Kona-ba, fasilidade seluk iha EBS ne'e, sei sufisiente para utiliza.

Rate this item

(0 votes)

Last modified on Friday, 16 August 2019 17:18

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com