Tanba motivu Timor-Leste atu sai membru permanente ba ASEAN, sei fó konfiansa no fiar ba mundu, hodi loke investimentu iha Timor-Leste. Ho pozisaun ne’e aprezenta husi Xefe Governu Xanana bainhira sai oradór hodi ko’alia kona-ba tema “Resilience and Stability in a Fractious Global Economy” iha forum ASEAN Business & Investment Summit ne’ebé foka liu ba ekonomia globál.
“Dada investór estranjeiru (Foregin direct investment) importante atu dudu ekonomia Timor-Leste, kria kampu servisu, moderniza no transforma estrutura ita-nia ekonomia. Ami hakarak sai membru ASEAN ne’ebé konsentra iha sosidade ba kresimentu no dezenvolvimentu, ho partisipasaun, hodi aumenta rendimentu perkapita, esperansa moris, saúde no kombate pobreza”, dehan PM Xanana liuhusi diskursu iha Otél Sultan, Jakarta-Indonézia, segunda (04/09/2023).
Xefe govenu esplika, organizasaun rejionál ne’e konsege hakesi nasaun sira ho diversidade kulturál, istória hodi forma komunidade ne’ebé ho kompromisu hamutuk ba toleransia, soliedariedade no servisu hamutuk, atu hametin fiar entre nasaun membru sira, hodi garante unidade paz no estabilidade iha rejiaun.
PM Xanana argumenta mós preokupa kona-ba alterasaun klimatika ne’ebé nasaun membru ASEAN no illas pasifiku sira hasoru.
“Ita hasoru kondisuan klima extrema, inundasaun, bai loron naruk, anin nomos taso bem aumenta, no akontese tanb falla husi nasaun boot sira, hodi atende mudansa klimatika no nasaun frazil sira maksofre impaktu husi alterasaun klimatika. Illa pasifiku hanesan prova ida, tanba ameasadu atu mout”, hatete Xanana.
Tanba ne’e, apela atu kria orden internasionál ne’ebé asenta ba vizaun soliedaridade entre ema no mós bem-estar komum, hodi ajuda mós nasaun frajil sira, atu hari’i reziliente no estabilidade.
Hanesan mós Pessoa Eminiente Organiasaun g7+ mós destaka kriasaun organizaun g7+ konstitui husi nasaun 20 husi Afrika, Azia, Mediu Oriente no Pasifika, hodi komunidade internasionál mós rona lian husi estadu frazil sira.
“Agora iha estatutu observadór Organizasaun Nasaun Unidu (ONU) no bele fó perspetiva ho forma koletiva kona-ba ajenda no servisu ONU, no Apoiu ONU hodi aumenta ativamente segunransa no estabilidade”, haktenik nia.
Ba líder governu, ASEAN bele sai hanesan modelu dezenvolvimentu independente hodi hari’i kominidade ne’ebé mak solida, infraestrutura sosiál no estabilidade ekonomika. .
“Ha’u ezije ASEAN atu halo barak tan, ha’u husu atu hatene ba ita-nia rejiaun no sai parte ida husi rede global, hodi suporta nasaun frazil sira, iha ne’ebé demokrásia no direitu umanu tenke sai baze ba dezenvolvimentu estadu ida ho dame”, nia apela.
Iha fatin hanesan, Prezidente (Chair of ASEA-BAC 2023), Arsjad Rasjid P.M. hato’o agradese ba prezensa Primeiru-Ministru RDTL bele hola parte iha ASEAN Business Sumit 2023 hodi fahe mós hanoin di’ak sira husi Timor-Leste nu’udar obserbador ASEAN no membru parmanente g7+.
“Sente orgullu tebes ba ita hotu hamutuk ho lider nasional Timor-Leste no Priemeiru Timor-Leste, Kay Rala Xanana Gusmão, Hodi partisipa no fahe mós hanoin ba forum ASEZAN Ida-ne’e”, nia hatete.
Timor-Leste nu’udar nasaun foun ida ne’ebé iha istória di’ak ho Indonézia no sai parseiru di’ak ba Indonézia no pais membru ASEAN tomak.
“Ita hakarak hametin liután relasaun di’ak ho Timor-Leste hodi hetan objetivu ida interese Komun entre rai ne’e ita sei haree Timor-Leste no ASEAN tomak. Agora relasaun ne’e estratejia tebes hodi boot ekonomia global, tanba ne’e previleziu boot ida ba ha’u hodi konvida PrimeiruMinistru Xanana mai hato’o nia diskursu”, agradese nia.
Forum Business & Investment Summit 2023 partisipa mós husi setór Privadu Timor-Leste ne’ebé hamahan-an iha Camara Comersiu Industria Timor-Leste (CCI-TL). (*)
