“Ita planu para aumenta tan 12 e 4 aumenta ona husi governu Austrália liuhusi embaixada iha ne'e programa ida TLDP e depois governu mós tau tan osan para tinan ne'e hamutuk 6, tinan oin ita aumenta tan”, dehan António iha edifísiu Ministériu Finansas (MF) Aitarak-laran Dili, kuarta (05/05).
Tuir planu iha semana ne'e laran, Primeiru Ministru, Taur Matan Ruak akonpanã mós Vise Mnistru Interiór sei inaugura postu seguransa 4 iha fronteira ne'ebé ajuda husi governu Austrália.
“Semana ne'e ha’u ho Primeiru Ministru sei ba inaugura tan postu haat (4) ne'ebé mak governu Austrália ajuda ita, sira konklui ona ita aumenta tan númeru postu iha fronteira hodi asegura di’ak liután," dehan António.
Mesmu neneik tanba ho situasaun pandemia maibé governu nafatin kontinua halao programa to’o mandadu. Tanba númeru movimentu ilegál iha fronteira hahú menus, maibé iha semana kotuk deteta na’in-1 no iha fulan kotuk na’in-18.(*)