“Sim, ita identifika ona fatin risku balun ne'ebé mak ita persiza atu reforsa tan, fatin sira ne'ebé mak dalaruma kontajen bele to'o fali tuku 1:00 no tuku 2:00 kalan, ita identifika ona e ita sei aumenta tan rekursu ba ne'eba”, dehan Superintende Xefe Henrique iha kna’ar fatin, Kaikoli, segunda (11/04).

Alende ne'e mos, PNTL sei reforsa efetivu sira ba tan iha sentru votasaun sira ne'ebé númeru eleitór sira barak, nune'e hodi garante seguransa másimu iha sentru votasaun.

“Iha ita-nian planu, ita koloka tan menbru sira basentru votasaun, nune'e iha loron 17, ita sei iha formatura jerál ida iha kuartel Jerál, depois ida ne'e, loro kraik ita sei halo formatura ida iha ne'e (Komandu Dili) hodi haree preparasaun ikus nian, nune'e ita-nian membru sira iha loron 18 ne’e akompaña ho STAE sira ba sentru votasaun”, afirma nia. (*)